Vijesti
Čakavčići pul Ronjgi
Autor: Licia Grohovac, 4. 4. 2023.
Ovo je leto objavljena 28. knjiga Čakavčići pul Ronjgi. Već dvajset i pet let učenici naše škole, kih potiču njihovi mentori, pišu na čakavski i rišu pa svoje radove šalju va Ronjgi.
Ovo leto 1. mesto osvojil je Matija Palfi za pjesmicu KAP, a 2. mesto Eni Rešetar za pjesmicu Ura.
Pjesma Šparuge, Korine Montanari Knez va užen je izboru. To je va kategoriji od 1. do 4. razreda. Ma ni to se, pisali su i: Antonio Franko, Patrik Depeder, Mia Mandekić, Mia Babić, Lina Rešetar i Lana Burić.
Mentori z naše škole bili su nastavnici: Mira Biondić, Bojana Kružić, Dejan Tijan i Sanda Đanović.
Si skupa smo veseli ča su naši radovi objavljeni i ča je ime naše škole već po 25. put va knjigami zapisano.
Ravnatelj, profesor Davor Juriša, nas je pohvalil i rekal da i dalje štimamo svoj čakavski, neka pišemo i rišemo aš da smo va tomu dobri. Obećali smo da ćemo, a on nas je pozval na kolače i sok va njegovu kancelariju.
Osim nas va matičnoj školi, pisali su, risali i slali na natječaj svoji radi i dica z Područne škole Šmrika.
Dominik Arbanas, Matija Burić, Gabriel Grubišić, Natali Vidas i Matea Burić z učiteljicun Anami Rubeša Ljubisavljević svoju promociju knjige imeli su va Šmriki.
Ravnatelj je i njih pohvalil i počastil.
Si smo se osjećali jako važno pa ćemo se potrudit da i drugo leto naše besede i crteži budu objavljeni va 29. knjigi Čakavčići pul Ronjgi.
Mia Babić, 5.b
